Зурган дээрх 2 охиныг жижигхээн байхад буюу 2017 онд анх Gumi House фэйсбүүк пэйж хуудас нээгдэж байж. 2 охины ээжийн хувьд хүүхдүүддээ хөөрхөн, загварлаг, чанартай, боломжын үнэтэй хувцас хэрэгслийг хайдаг боловч Монголоос олддоггүй, олсон нь дундаж орлоготой залуу гэр бүлд үнэтэй байдгийг мэдэрсэн учраас энэ орон зайг нөхөхөөр судлан улмаар санаанд таарах бараа бүтээгдэхүүнийг олж Gumi House пэйж хуудсаараа худалдаалж эхэлсэн нь олон олон ээжүүдийн таашаалд хүрсэн юм. 1 жилийн дараа буюу 2018 оны 11 сард Gumi House хэмээх жижигхэн дэлгүүрээ нээж ажиллуулаад хэдийний 2 жилийг ардаа үдэж. Өнөөдөр буюу 2021 оны 1 сард бид Gumi House вэб хуудсыг нээн ахин нэг шинэ алхмыг хийж байна. Gumi House дэлгүүр нь нэгэн ээжийн хүүхдүүддээ авахыг хүссэн ХҮСЛИЙН ЖАГСААЛТААР эхэлж цааш өргөжин олон олон хүүхдүүдийн орохыг хүсдэг дэлгүүр болж, авахыг хүсдэг бараа бүтээгдэхүүнийг худалдаалдаг болоод байна. Бидний зорилго өдрөөс өдөрт тэлж, бага багаар урагшилсаар байна.